Ene-atalar: hökümet uçar gatnawlaryny we pul ibermegi çäklendirip, çagalarymyzy köseýär
Siziň brauzeriňiz HTML5 formatyny goldamaýar
Türkmen häkimiýetleri ne global pandemiýanyň fonunda ýatyrylan halkara uçar gatnawlaryny dikeldýär, ne-de ene-atalaryň daşary ýurtlardaky çagalaryna pul ibermegine mümkinçilik döredýär. Biz çagalarymyza näresmi ýollar arkaly pul iberjek bolup, "kezzaplara" müňlerçe dollar möçberinde pulumyzy aldyrýarys. Bu hökümet hem bizi, hem-de çagalarymyzy halys köseýär diýip, lebaply ene-atalaryň ençemesi Azatlyk Radiosynyň habarçysyna beren maglumatynda aýtdy.