Aşgabadyň polisiýasy aýallaryň sürüjilik şahadatnamasynyň möhletini uzaltmak üçin dokumentleri kabul edip başlady
Siziň brauzeriňiz HTML5 formatyny goldamaýar
Aşgabadyň ýol gözegçilik polisiýa gullugy aýal-gyzlaryň sürüjilik şahadatnamalary üçin arzalary kabul edip başlady. Iki ýyl töweregi wagt bäri Türkmenistanda zenanlar sürüjilik şahadatnamasyndan mahrum edildi we möhleti geçen resminamalaryny täzelemek mümkinçiliginde mahrum boldy. Azatlyk Radiosynyň zenanlaryň hukuklarynyň we deňliginiň depelenmegine degişli bu ýagdaýy yzygiderli synlap, çap eden onlarça maglumatyndan soň peýda bolan bu täzelik türkmenistanly zenan sürüjileriň awtoulaglaryny sürmek mümkinçiligini gaýdyp almagyna umyt döretdi.