Dörtlemeler
Bäbek dynman gije-gündiz aglasa,
Ulalansoň bagşy bormuş diýýäler.
Ýöne, nämüçindir, atalar köplenç
Ses çykmaýan sallançagy söýýäler.
***
Niräň bir “çokaýy” “Berkeli” boldy,
Mugt üçbürç bukjalar markaly boldy.
Oýun gytmy bu bazygär pelekde:
“Başsyz” galan millet “Arkaly” boldy.
***
Gül ne derkar – hyrydar el ýolmasa,
Senet aglar ussat ele almasa.
Dört diwaryň ne parhy bar türmeden,
Islän wagtyň girip-çykyp bolmasa?
***
Ýol öwretme şopur bilen gedaýa,
Jellatsyrap sütem etme pidaýa.
Bal günüňde dodak çöwrüp asmana,
Kyn günüňde nalyş etme Hudaýa.
***
Tylla çaýylaýsyn onuň daşyna,
Kapas ýene kapaslygna galmazmy?!
Milletiň gözýaşyn çanaklap içen
Öňde-soňda, irde-giçde ganmazmy?!
Bäbek dynman gije-gündiz aglasa,
Ulalansoň bagşy bormuş diýýäler.
Ýöne, nämüçindir, atalar köplenç
Ses çykmaýan sallançagy söýýäler.
***
Niräň bir “çokaýy” “Berkeli” boldy,
Mugt üçbürç bukjalar markaly boldy.
Oýun gytmy bu bazygär pelekde:
“Başsyz” galan millet “Arkaly” boldy.
***
Gül ne derkar – hyrydar el ýolmasa,
Senet aglar ussat ele almasa.
Dört diwaryň ne parhy bar türmeden,
Islän wagtyň girip-çykyp bolmasa?
***
Ýol öwretme şopur bilen gedaýa,
Jellatsyrap sütem etme pidaýa.
Bal günüňde dodak çöwrüp asmana,
Kyn günüňde nalyş etme Hudaýa.
Siziň brauzeriňiz HTML5 formatyny goldamaýar
Dörtlemeler
***
Tylla çaýylaýsyn onuň daşyna,
Kapas ýene kapaslygna galmazmy?!
Milletiň gözýaşyn çanaklap içen
Öňde-soňda, irde-giçde ganmazmy?!