Ukrainanyň prezidenti Wolodymyr Zelenski Parahatçylyk sammitinde, Merkezi Aziýa ýurtlarynyň liderlerini görmek isleýändigini aýtdy. Ol bu pikirini 24-nji maýda, Harkiwde Merkezi Aziýadan bolan žurnalistler üçin gurnalan brifingde beýan edip, Azatlyk Radiosynyň žurnalistleriniň sebitiň bäş ýurdunyň we Ukrainanyň arasyndaky gatnaşyklary baradaky sowallaryna jogap berdi.
Brifinge Özbegistandan, Gazagystandan we Gyrgyzystandan žurnalistler gatnaşdylar. Metbugat ýygnagy Russiýa tarapyndan ýumrulan we azyndan ýedi adam ýogalan Harkiwdäki çaphana jaýynyň territoriýasynda geçirildi.
