Özbegistanda Kikboksing boýunça geçen Dünýä çempionatynda türkmen türgenleri jemi 12 medal, ýagny ýedi altyn we bäş bürünç medal almagy başardylar.
Resmi maglumata görä, paýtagt Daşkentde 24-29-njy sentýabr aralygynda geçen çempionatda Türkmenistandan jemi 15 türgen öz güýjüni synap görüpdir.
Çempionata 40 döwletden iki müňden hem aşa türgeniň gatnaşandygy bellenilýär. Medal sany boýunça Türkmenistan döwletleriň birinji onlugyna giripdir.