Owganystandaky “Aýallaryň milli agzybirligi we raýdaşlygy” hereketiniň azyndan sekiz agzasy 19-njy awgustda Kabulda tussag edilip, birnäçe sagat soňra azatlyga goýberildi.
Ol aýallar owgan paýtagtynda protest çäresini gurnamakda aýylandy.
Hereket agzalary özleriniň gödek, zorlukly ýagdaýda tussag edilendiklerini, bir jaýda ýygnanyp, protest programmasyny düzüp oturan wagtlarynda “Talybanyň” howpsuzlyk işgärleriniň ol öýe kürsäp urandyklaryny gürrüň berdiler.
"Talyban" aýal-gyzlara garşy köp çäklendirme girizdi we olaryň gurnaýan protestleriniň köpüsiniň ýapyk gapylaryň aňyrsynda geçirilmegine mejbur etdi.