Rus goşunlary 2-nji ýanwara geçilýän gije Ukraina 72 sany “Şahed” hüjüm drony we beýleki görnüşli pilotsyz uçarlar bilen hüjüm etdi diýip, ukrain goşunynyň Harby-howa Güýçleri habar berdi.
Ukrain goşunynyň maglumatyna görä, ýerli wagt bilen ir sagat 8:30-a çenli Poltawa, Sumy, Harkow, Kiýew, Çernihiw, Çerkassi, Kirowohrad, Dnepropetrowsk, Odesa, Herson we Nikolaýew sebitlerinde 47 sany pilotsyz uçar uruldy.
"Duşmanyň 24 sany pilotsyz uçar imitatory ýerli ýagdaýda (negatiw netijeleri bolmazdan) ýitirildi" diýip, Ukrainanyň Ýaragly Güýçleriniň beýannamasynda aýdylýar.
Russiýanyň Goranmak ministrligi rus sebitleriniň asmanynda 13 sany pilotsyz uçaryň urlandygyny habar berdi.
Ministrligiň maglumatyna görä, pilotsyz uçarlaryň biri Woronez sebitiniň, üçüsi Belgorod sebitiniň, dördüsi Braýank sebitiniň, ýene dördüsi bolsa Kursk sebitiniň asmanynda, bir dron Kaluga sebitinde uruldy.