Dünýä Türkmenleri programmamyzyň geçen sany Türkmenistanyň günorta-gündogar goňşusy Owganystanda “Talyban” toparynyň Kabulda häkimiýeti ele geçirmeginiň üçünji ýyl dönüminden, owgan halkynyň, şol sanda Demirgazyk Owganystanda ýaşaýan etniki türkmenleriň durmuş hal-ýagdaýyndan söhbet açdy.
Biz bu tema boýunça gepleşikler tapgyrynyň ikinji bölümi bilen dowam edýäris. Gepleşigimize ABŞ-da ýaşaýan owganystanly türkmen žurnalisti Şamerdanguly Myrady gatnaşýar.
Geçen hepdede Owganystandaky durmuş-ykdysady şertler, “Talyban” ýolbaşçylygyndaky owgan hökümeti bilen Türkmenistanyň hökümetiniň arasyndaky gatnaşyklar, bu gatnaşyklaryň etniki türkmenleriň durmuşyna ýetirýän täsirleri barada gürrüň etdik.
Programmamyzyň ikinji bölüminde “Talyban” dolandyryjylarynyň dünýäniň iri döwletleri, galyberse-de Merkezi Aziýa ýurtlary bilen arada ýola goýmaga çalyşýan gatnaşyklary, şeýle-de, Owganystandaky howpsuzlyk şertleri we “Talyban” toparynyň adam hukuklaryna, şol sanda aýal-gyzlaryň hukuklaryna, söz we metbugat azatlygyna çemeleşmeleri dogrusynda söhbet açýarys.
Forum