Rus goşunlary Kiýewe zarba urujy pilotsyz uçarlar bilen hüjüm etdiler diýip, sebit harby administrasiýasynyň başlygy Nikolaý Kalaşnik we şäher harby administrasiýasynyň başlygy Timur Tkaçenko habar berdi.
Ukrainanyň Döwlet adatdan daşary ýagdaýlar gullugynyň habaryna görä, Browari etrabyna edilen hüjüm netijesinde bir ýük awtoulagyna zyýan ýetdi, 1999-njy ýylda doglan sürüji wepat boldy.
Belotserkowskiý etrabynda üç adam, şol sanda 16 ýaşly ýetginjek we onuň kakasy ýaralandy.
Fastowskiý etrabynda 2002-nji ýylda doglan bir gyz, pilotsyz uçaryň galyndylarynyň gaçmagy netijesinde ýaralandy, ýöne elindäki ýanyk ýaralaryny bejertmek üçin hassahana girmekden boýun gaçyrdy.
Tkaçenkonyň ýazmagyna görä, Darnitskiý etrabynda bir hususy jaýda, dron galyndylarynyň gaçmagy netijesinde, ýangyn boldy. Dron galyndylarynyň gaçmagy Goloseýewskiý etrabynda-da hasaba alyndy.
Ukrain goşunynyň Harby-howa güýçleriniň maglumatyna görä, 3-nji ýanwar gijesinde Russiýa Ukraina 93 sany “Şahed” görnüşli zarba urujy pilotsyz uçar bilen hüjüm etdi. Olaryň 60-sy uruldy, 26-sy ýerli ýagdaýda ýitirildi.