Maryly býujet işgärlerinden gowaça ýekelemek işleri üçin pul toplanýar

Türkmenistanyň gowaça meýdanlarynda ideg işleri geçirilýän mahaly, häkimiýetler ýurduň pagta önümçiliginde mejbury zähmetden peýdalanmagy dowam etdirýärler. Mary welaýatynyň býujet işgärleri bu işleri amal etmäge ýa-da özlerine derek hakyna adam tutup ibermäge mejbur edilýärler. Bu waka, Halkara zähmet guramasynyň (HZG) Türkmenistanyň mejbury zähmeti bes etmek baradaky borçnamasyny berjaý edişine syn eden mahalyna gabat gelýär.