Soňky jaň çykdajylary ene-atalary surnukdyrýar

Türkmenistanda şu ýyl orta mekdepleri tamamlaýan okuwçylaryň Soňky jaň dabarasyna görýän taýýarlyklary dowam edýär. Lebap welaýatynyň mekdeplerinde 11-nji synpy gutarmaly ýaşlar 25-nji maýda geçiriljek çärelere müňlerçe manat pul çykarmaly bolýar. Bu aralykda, tomusky dynç alyş möwsüminiň golaýlamagy bilen, sebitiň mekdeplerinde we çagalar baglarynda ene-atalardan abatlaýyş işleri üçin, galyberse-de mugallymlara we terbiýeçilere gowşurylmaly sowgatlar üçin hem mejbury pul ýygnalýar.