Türkmenistandan Russiýa eksport edilen dokuz tonna pomidorda zyýankeş güýe tapyldy, ýene-de
Russiýanyň oba hojalyk gözegçisi “Rosselhoznadzor” 22-nji aprelde geçiren fitosanitariýa barlagynda Türkmenistandan getirilen dokuz tonna pomidorda zyýankeş mör-möjekleri anyklady. Bu barada “Türkmenistanyň hronikasy” neşiri Russiýanyň oba hojalyk edarasyna salgylanyp habar berýär. Bu aralykda, Azatlyk Radiosynyň habarçylary gök-bakja önümleriniň täze hasylynyň ýerli bazarlarda peýda bolýan mahaly, Balkan welaýatynyň Türkmenbaşy şäherinde ilat arasynda içgeçme keseliniň köpelýändigini habar berýärler. Ýerli agronomlar oba hojalyk ekinlerine ideg işlerinde zyýankeşlere we mör-möjeklere garşy göreşmegiň ähmiýetine ünsi çekýärler.
