Pul ibermekdäki kynçylyklar daşary ýurtda türkmen talyplarynyň okuwdan çykmagyna, gyzlaryň 'ten satmagyna getirýär'

Türkmenistanda ogul-gyzlary daşary ýurtlarda ýokary bilim alýan ene-atalaryň çagalaryna pul ibermekdäki kynçylyklary saklanyp galýar. Balkanly ene-atalar daşary ýurtlardaky türkmen talyplaryna iberip bolýan puluň möçberiniň artdyrylmandygyny aýdýarlar. Mary welaýatynda ene-atalar çagalaryna pul ibermek üçin ençeme gün nobata durmaly ýa-da 1000 manada çenli para bermeli bolýarlar. Belarusda okaýan türkmenistanlylar pulsuzlyk zerarly köp talyp gyzyň ten satmaga mejbur bolýandygyny aýdýarlar.