Lebabyň migrasiýa edarasynda adamlaryň uly nobaty döredi. Raýatlara maý aýyna nobat berilýär

Döwlet Migrasiýa gullygynyň Lebap welaýatynyň Türkmenabat şäherindäki edarasynyň raýatlara biometriki pasportlary taýýarlap berýän bölüminde adamlaryň uly nobaty emele geldi. Şu günler bölümde raýatlara maý aýyna nobat berilýär. Şol bir wagtda, ençeme raýat käbir migrasiýa işgärleriniň paranyň öwezine, pasportlary nobatsyz, has gysga wagtyň içinde taýýarlap berýändigini aýdýar.