Internet ýeňillikleri baradaky habardan soň, 'Türkmentelekomyň' Marydaky edarasyna müňlerçe adam bardy

1-nji fewralda "Türkmentelekom" elektrik aragatnaşyk kompaniýasynyň Mary welaýatynyň Mary şäherindäki edarasyna müňlerçe adam bardy. Bu waka Internet azatlygyny berk çäklendirmekde tankyt edilýän türkmen häkimiýetleriniň 1-nji fewraldan başlap ýurtdaky Internetiň tizligini artdyrýandygy we bu hyzmatyň bahasyny arzanladýandygy baradaky habarlaryň yz ýanyna gabat geldi.