Häkimiýetler pagta planynyň dolandygyny ýa dolmandygyny yglan etmeýärkä, Lebapda ýygym tamamlandy

Lebap welaýatynyň gowaça meýdanlarynda pagta ýygymy tamamlandy. Dört aýlap dowam eden ýygym möwsümi bu ýyl has güýçlendirilen tertipde geçirildi. Býujet işgärleri munuň edara-kärhanalaryň işine ýaramaz täsir ýetirendigini aýdýarlar. Pagtaçy kärendeçiler bolsa, geljek ýylyň hasyly üçin gowaça ekiljek meýdanlarda sürüm işleriniň wagtynda geçirilmeýändiginden şikaýat edýärler.