Türkmenbaşyda edaralardaky we ýaşaýyş jaýlaryndaky ýyladyş ulgamlary barlanýar
Balkan welaýatynyň Türkmenbaşy şäher häkimliginiň işgärleri edara-kärhanalarda we ýaşaýyş jaýlarynda barlaglary geçirýärler. Barlaglaryň çäginde jaýlardaky we edaralardaky ýyladyş ulgamlary barlanýar. Şeýle-de, häkimlik işgärleri üçeklerden öýlerine ýagyn suwlary geçýän ýaşaýjylara jaýlaryň üçeklerinde abatlaýyş işleriniň geçiriljekdigini wada berýärler. Bu habar şäherde onlarça ýaşaýjynyň öýüne üçeklerden ýagyn suwlarynyň geçýändigi barada Azatlyk Radiosynda çap bolan maglumatyň yz ýanyna gabat geldi.
