Maryda zir-zibil çelekleri arassalanmaýar

Mary welaýatynyň ýaşaýjylary zir-zibil çelekleriniň öz wagtynda arassalanmazlygyndan şikaýat edýärler. Habarçymyz bilen söhbetdeş bolan ençeme ýaşaýjy çelekleriň we onuň daşynyň zir-zibilden dolýandygyny aýdýar. Munuň bilen bagly, töwerekde ýakymsyz ys ýaýraýar we bu ýerlerde dürli mör-möjekler, şol sanda siňekler, itler hem-de pişikler üýşýär. Ýaşaýjylar bu ýagdaýlar barada häkimliklere edýän şikaýatlarynyň netijesiz galýandygyny aýdýarlar.