29-njy iýulda geçirilen Ministrler Kabinetiniň giňişleýin mejlisiniň dowamynda türkmen daýhanlarynyň galla taýýarlamak boýunça şertnamalaýyn borçnamalaryny üstünlikli ýerine ýetirendikleri yglan edildi.
Resmi maglumata görä, bu ýyl ýurduň harmanyna 1 million 500 müň tonna golaý bugdaý tabşyrylypdyr.
Şol bir wagtda, Azatlyk bilen söhbetdeş bolan ýerli daýhanlar bu ýylyň has gurak gelmegi, suw ýetmezçiligi, şeýle-de häkimiýetleriň öz üstüne alan borçnamalaryny doly ýerine ýetirmezligi bugdaý hasylyna ýaramaz täsir ýetirendigini bellediler.
Türkmen häkimiýetleri bugdaý planynyň doly ýerine ýetirilýändigini öňe sürseler-de, ýurtdaky un, çörek ýiti gytçylygy saklanyp galýar.