Gurbanguly Berdimuhamedowyň yz ýany, Serdar Berdimuhamedowyň Lebap sebitine sapar etmegine garaşylýar

Türkmenistanyň Halk Maslahatynyň başlygy, öňki prezidenti Gurbanguly Berdimuhamedowyň yz ýany, prezident Serdar Berdimuhamedowyň Lebap sebitine sapar etmegine garaşylýar. Azatlyk Radiosynyň Lebap welaýatyndaky çeşmeleri, sebitde Serdar Berdimuhamedowyň saparyna görülýän taýýarlyk işleriniň Gurbanguly Berdimuhamedowyň saparyna görlen taýýarlykdan tapawutlanmaýandygyny aýdýarlar. Uly Berdimuhamedowyň saparynyň öň ýany, sebit merkezi Türkmenabadyň köçelerinden goýy reňkli awtoulaglar ýygnaldy.