Balkanda tozanly ýel turdy. Jaýlaryň üçeklerindäki örtükler gopdy, üç ýol hadysasy boldy
Duşenbe güni, 11-nji aprelde Türkmenistanyň günbatar welaýatynda güýçli tozanly ýel turdy. Tozanly ýeliň netijesinde durmuş maksatly desgalaryň we ýaşaýyş jaýlaryň üçeklerindäki örtükleriň ençemesi gopdy. Şeýle-de, sebitde azyndan üç sany ýol hadysasy boldy. Bu waka, howa maglumatlaryny çap edýän “Meteožurnal” neşiriniň Türkmenistanyň käbir sebitlerinde güýçli tozanly ýeliň turmagyna garaşylýandygyny duýdurmagynyň yz ýanyna gabat geldi.
