Türkmen metbugaty rus çozuşyny agzamaýar, Ukrainada galan türkmenler serhetden aşmaga synanyşýar

Russiýanyň Ukraina garşy amala aşyrýan harby çozuşlarynyň bäşinji gününde Türkmenistanyň resmi we ýarym resmi köpçülikleýin habar beriş serişdeleri ýaragly konflikt barada dymýar. Bu aralykda, Ukrainada galan türkmen raýatlary goňşy ýurtlara aşmaga synanyşýarlar. Ynsan hukuklaryny goraýjy gurama türkmen häkimiýetlerini Ukrainada galan türkmenistanlylaryň ewakuasiýasyna ýardam bermezlikde aýyplaýar. Türkmen diplomatlary bu aýyplamalary ret edip, bar bolan mümkinçilikleriň çäginde öz raýatlaryny ewakuasiýa etmek ugrunda tagalla edýändiklerini aýdýarlar.