Aşgabatda we Maryda dollar 17 manada arzanlady, walýuta söwdagärlerine garşy reýd geçirildi

Paýtagt Aşgabatda we Mary welaýatynyň Mary şäherinde dollaryň gara bazardaky bahasy 17 manada çenli aşaklady. Bu waka kanun goraýjy edaralaryň işgärleriniň bikanun walýuta söwdagärlerine garşy reýdleri geçirmeginiň yz ýanyna gabat geldi. Gara bazarda dollar söwdasyny edýän maryly söwdagärleriň birnäçesiniň Azatlyk Radiosynyň habarçysyna aýtmagyna görä, saklanan adamlaryň käbirine diňe pul jerimesi salnan bolsa, käbirleri heniz-de tussaglykda saklanýar.