Türkmen aktiwisti Isakow Aşgabada iberildi

Russiýada ýitirim bolup, soňra-da doly aýdyň bolmadyk ýagdaýda Türkmenistana görnüşinden “meýletin” gidendigi aýdylan türkmen aktiwisti Azat Isakowyň Aşgabada iberilendigi mälim boldy. Bu barada ýerli polisiýa işgärlerine salgylanyp habar berýän habarçylarymyz, türkmen häkimiýetiniň tankytçysy Isakowyň ilki Türkmenabada gondurylandygyny, şol ýerde ençeme sagatlap polisiýanyň edarasynda saklanandygyny hem anyklamagy başardylar. Hukuk toparlary we Isakowyň egindeşleri onuň Türkmenistanda gynamalara duçar bolup biljekdigini, hatda ýitirim edilmek howpunyň hem bardygyny duýdurýarlar.