Aşgabatda ilatdan mugt waksinanyň kepilnamasy üçin "bikanun töleg" geçirmek talap edilýär

Aşgabatlylar Türkmenistanda tas ähli pudaga giň ýaýran korrupsiýanyň adamzadyň saglygyna uly wehim salýan global pandemiýa döwründe-de, ýagny munuň bilen bagly geçirilýän waksina sanjymyny etmek işlerinde-de ýiti duýulýandygyny aýdýarlar. Olaryň sözlerine görä, şu günler waksina işlerini geçirýän saglyk işgärleri sanjym edilendigi baradaky kepilnama üçin her bir raýatdan 10 manat talap edýärler. Olar munuň üçin kwitansiýa bermeýärler. Bu ýagdaýlar barada Azatlyk Radiosynyň habarçysy paýtagtdan maglumat berýär.