Aşgabatda un gyt we gymmat, bar bolan unuň hili pes. Täze söwda merkezinde bolçulyk, ýöne gymmatçylyk
Türkmen hökümeti bu ýyl hem bugdaý plan borçnamasynyň ýerine ýetirilendigini yglan etse-de, paýtagt Aşgabatda un gytçylygy we gymmatçylygy dowam edýär. Şäher ýaşaýjylary bar bolan unuň hiliniň pesdigini, yslanandygyny we içinden mör-möjek çykýandygyny aýdýarlar. Muňa garamazdan, resmiler ýurtda azyk howpsuzlygynyň üpjün edilendigini öňe sürýärler.
