Türkmenabatdaky partlamadan soň, Baýramalyda ýangyn howpsuzlygy boýunça barlaglar we düşündirişler geçirilýär

Mary welaýatynyň Baýramaly şäherinde ýangyn howpsuzlygy we gaz edaralaryň işgärleri öýlere hem-de edara-kärhanalara aýlanyp başladylar. Işgärler gaz plitalaryny, sowadyjylary we peçleri barlaýarlar, düşündiriş işlerini geçirýärler. Olar bu barlaglaryň heläkçilikleriň we ýangynlaryň öňüni almak üçin geçirilýändigini aýdýarlar. Bu barlaglar Lebap welaýatynyň Türkmenabat şäherindäki ýaşaýyş jaýynda bolan partlamanyň yzýanynda amala aşyrylýar.