Lebapda tomus kanikullarynyň dowamynda gark bolan çagalaryň sany köpelýär

Türkmenistanyň gündogarynda çagalaryň suwa gark bolmagy bilen bagly hadysalarynyň sany köpelýär. Lebap welaýatyndaky halas ediş gullugynyň wekilleriniň habar bermegine görä, tomus kanikulynyň başyndan bäri birnäçe etrapda azyndan 6 mekdep okuwçysy gark bolupdyr. Adatdan daşary ýagdaýlar komissiýasynyň ýerli gullugynyň işgärleri bilen söhbetdeş bolan habarçylarymyz sebitdäki ýagdaýyň käbir jikme-jikliklerini anykladylar.