Türkmenistanyň ilaty keselleýär, karantin çäklendirmeleri ýene güýçlendirilýär

Türkmenistanda COVID-19 alamatly keseliň köpçülikleýin ýaýramagy dowam edýär. Azatlyk Radiosynyň habarçylarynyň habarlaryna görä, saglyk edaralarynda hassalar köpçülikleýin synagdan geçirilýär, köplenç koronawirusyň bardygy anyklanýar. Koronawirusyň bardygyny resmi taýdan ykrar etmedik ýurduň häkimiýetleri çäklendirmeleri hasam güýçlendirýärler.