Aşgabatda okuwçylar sowuk synplarda ýeňil geýimde oturmaga mejbur edilýär

Şu günler Aşgabat şäherinde howanyň temperaturasy gündizlerine -3, gijelerine -8 gradusa çenli ýetýär. Aýazly howanyň gelmegi bilen paýtagtyň käbir etrapçalarynda we mekdeplerinde ýyladyş ulgamlarynyň kadaly işlemezligi bilen bagly ýagdaýlar ýygy-ýygydan ýüze çykýar. Sowuk mekdep synplarynda okuwçylaryň ýyly egin-eşikde oturmagyna rugsat berilmeýär. Bu ýagdaýlaryň jikme-jikleri barada Azatlyk Radiosynyň habarçysy 11-nji dekabrda Aşgabatdan habar berdi.