Türkmenistanda sowuk howanyň başlanmagy bilen gazdan zäherlenýänler köpelýär

Türkmenistanda howanyň temperaturasy nola golaýlaýar, käbir sebitlerde gijelerine aýaz bolýar. Sowuk howanyň gelmegi bilen gazdan zäherlenmek ýagdaýlary ýygy-ýygydan ýüze çykýar. Muňa merkezleşdirilen gaz üpjünçilik ulgamyndaky näsazlyklar, üstesine-de, köpçüligiň ýyladyş ulgamynyň näsazlygy ýa-da ýoklugy sebäpli öýlerini ýylatmak üçin elektrik ýa-da gaz enjamlaryny ulanmagy sebäp bolýar.