Türkmenabatda esasy karantin zonasy täze ýere göçürilýär

Koronawirusyň ýeke ýagdaýy hem resmi taýdan hasaba alynmadyk Türkmenistandaky esasy karantin zonasy täze bir sebite göçürilýär. Lebap welaýatynyň administratiw merkezi Türkmenabatdaky Köpugurly hassahanada esaslandyrylan karantin zonasy ýatyrylyp, ol Amyderýanyň çep tarapyna, täze awtomobil we demirýol köprüsiniň arasyndaky ozalky gurluşyk kompaniýasynyň ýerleşen bazasyna göçürilýär. Bu barada ýerli saglyk resmileri bilen söhbetdeş bolan Azatlyk Radiosynyň habarçylary maglumat berýärler.