Global derňew Türkmenistanyň 1,4 milliard dollara barabar şübheli bank amalynyň üstüni açýar

Derňew žurnalistleriniň halkara konsorsiumynyň (ICIJ) geçiren global derňewi 2001-2016-njy ýyllar aralygynda Türkmenistandan onlarça şübheli bank amallary arkaly 1,4 milliard dollara barabar puluň çykarylandygyny görkezýär. Azatlyk Radiosynyň gatnaşan derňewinde gürrüň Türkmenistanyň döwlet edaralary tarapyndan daşary ýurtlardaky “galp” kompaniýalaryň hasabyna geçirilen ýüzlerçe million dollar barada barýar.