Türkmenistana Hindistandan baran uçarda zenan aradan çykdy

Koronawirus pandemiýasynyň başyndan bäri Türkmenistanyň daşynda galan ýurt raýatlary watanyna dolanyp başladylar. 22-nji we 23-nji awgustda Türkmenistan öz raýatlaryny Hindistandan we Belarusdan alyp bardy. Azatlyk Radiosynyň habarçylary daşary ýurtlardaky türkmen raýatlarynyň Türkmenistana alnyp barylmagyna degişli käbir jikme-jikleri habar berýärler. Azatlyga mälim bolşuna görä, 22-nji awgustda Deliden Türkmenabat şäherine baran uçaryň bir ýolagçysy ýolda aradan çykypdyr.