Aşgabatda soňky gije-gündizde azyndan 6 adam COVID-19 alamatly keselden ýogaldy, gonamçylykda ýüzlerçe täze mazar döredi

Soňky gije-gündizde Azatlykyň habarçylaryna Aşgabatda COVID-19 alamatly keselden ölen azyndan 6 adama degişli ýagdaýlaryň jikme-jikleri mälim boldy. Bu wagtda paýtagtyň gonamçylyklarynda yzygiderli jaýlanyş çäreleri, ýüzlerçe awtoulag we köp sanly täze mazarlary görmek bolýar. Türkmenistanyň häkimiýetleri ýurtda koronawirusyň bardygyny ykrar etmeýärler.