Çeşme: Türk diplomaty Kemal Uçkun türkmen häkimiýetleriniň ýurda goýbermedik tiz kömek uçaryna garaşyp, aradan çykdy

7-nji iýulda Aşgabat keselhanasynda aradan çykan türk diplomaty Kemal Uçkun, türkmen häkimiýetleriniň aýdyşy ýaly pnewmoniýanyň däl-de, koronawirusyň pidasy bolan çemeli. Mundan başga-da, Azatlygyň ýagdaýdan habarly çeşmesi 57 ýaşly diplomatyň özüniň ewakuasiýa edilmegini sorap, türk häkimiýetlerine ýüz tutandygyny, ýöne resmi Aşgabadyň türk tiz kömek uçaryny kabul etmekden ýüz öwürmegi sebäpli, munuň başa barmandygyny aýdýar.