Dünýä Türkmenleri gepleşiginiň bu sanynda türkmen aýdym-saz sungaty we eser ogurlygy barada gürrüňler gozgalýar.

Gepleşigimize Pragada ýaşaýan türkmen ýazyjysy we synçy Hudaýberdi Hally gatnaşdy.

Türkmen dilli sosial media ulanyjylarynyň arasynda häzirkizaman türkmen aýdym we sazlarynyň döredijiliginde plagiata ýüz urýanlaryň bardygyny aýdýan ulanyjylar bar. Eýsem, Türkmenistanda eser ogurlygy çeper höwesjeňleriň arasynda, hatda "Türkmenistanyň at gazanan" artistleriniň, aýdymçylarynyň arasynda nä derejede giňden ýaýran? Türkmenistanda hereket edýän kanunçylyk döredijilik işinde plagiata rugsat berýärmi? Eger-de ogurlyk eserler halk arasynda goldaw tapýan bolsa, eser ogurlygy baradaky diskusiýa nämä derkar? Sungatda ägirtleri şertler döredýärmi? Halkyň ruhy iýmiti bolan aýdym-saz senediniň döredijiliginde ogurlykdan azat döredilen işler söýlüp diňlenýärmi? Türkmen aýdym we sazlary nähili şertlerde ösdi? Halk döredijiliginiň ýerli aýdym-sazlara ylham çeşmesi bolup hyzmat edýärmi?

Gepleşigimiziň dowamynda şuňa meňzeş soraglaryň töwereginde söhbetdeşlik geçirildi, ony aşakdaky düwmä basyp diňläp bilersiňiz!