Azat Adalga - Azatlygyň täze proýekti: "Açyk jemgyýet" näme?

Günsaýyn ösýän we özgerýän global dünýäniň täze şertleri oňa aýakdaşlygy talap edýär. Düýbünden täze şertleri beýan etmek täze sözlere, täze adalgalara ýa-da öň bar bolan köne sözleriň täzeden dolanyşyga girizilmegine zerurlyk döredýär. Azatlyk Radiosynyň “Azat Adalga” atly täze taslamasy täze adalgalary we aňlatmalary öwrenýär.   “Azat Adalga” dünýäniň häzirkizaman talaplarynyň esasynda ýüze çykýan täze fenomenalaryň, ýa-da öň bar bolup, türkmen diliniň örüsine del hasaplanan aňlatmalaryň türkmen dilindäki manylaryna nazar salmaga synanyşar.   “Ýagşy niýet – ýarym döwlet” diýip ýola düşen “Azat Adalga” gepleşigini siz hem goldaň! Täze adalgalar bilen bagly teklipleriňizi onlaýn platformalarda biziň bilen paýlaşyň!