Dollaryň nyrhy rekord derejä ýetip, 19 manatdan aşdy; Dermanlar, azyk harytlary gymmatlady

Türkmenistanyň käbir sebitlerinde dollaryň “gara bazardaky” nyrhy täze rekord derejä ýetdi. 11-nji maýda Daşoguz welaýatynyň bazarlarynda 1 amerikan dollarynyň bahasy 19 manatdan hem aşdy. Geçen aýyň ahyrynda Aşgabatda we ýurduň käbir beýleki welaýatlarynda 1 amerikan dollarynyň “gara bazardaky” nyrhy 18 manada barabardy.