Türkmenistanyň Senagatçylar we telekeçiler partiýasynyň ikinji gurultaýy geçirildi.
Resmi maglumatlara görä, Aşgabatda geçirilen gurultaýda partiýanyň merkezi geňeşiniň ýolbaşçylarynyň, barlag komissiýasynyň amala aşyran işine, guramaçylyk işlerine seredilipdir.
Şeýle-de, türkmen mediasynyň habar bermegine görä, partiýanyň merkezi geňeşiniň täze başlygy saýlanyp, bu wezipä “Halys” atly hojalyk guramasynyň müdiri Saparmyrat Owganow bellenipdir.
Türkmenistanda Senagatçylaryň we telekeçileriň syýasy partiýasy 2012-nji ýylda döredildi. Ony esaslandyran Senagatçylar we telekeçiler bileleşigi 2007-nji ýylda döredildi. Bileleşigiň “Rysgal” atly hem banky, hem-de neşri bar.
Türkmenistanda hususy telekeçiligi ödürmek maksadyny öz öňünde goýýan Senagatçylar we telekeçiler bileleşigine döwlet tarapyndan maliýe goldawy berilýär.