Tomus aýlarynyň gelmegi bilen dürli ýurtlarda ýaşaýan türkmen migrantlary, studentler we olar bilen durmuş baglary bolan daşary ýurtlular öz dogan-garyndaşlaryny, çagalaryny we tanyş-bilişlerini görmek üçin Türkmenistana baryp-gelýärler.
Olaryň arasynda ençeme ýyldan soň Türkmenistana barýanlar hem bar.
Ýogsa-da, ençeme ýyldan soň Türkmenistana baranlaryň ünsüni çekýän zatlar näme? Olary geň galdyran, buýsandyran we göwnüni galdyran zatlar näme?
Azatlyk radiosy "Dünýä türkmenleri" gepleşiginiň nobatdaky sanynda golaýda Türkmenistana baryp-gaýdan türkmen migrantlarynyň we daşary ýurtlularyň owalky hem häzirki ýagdaýlar baradaky pikirlerini sorady.
