Soňky ýyllarda Türkmenistanda ençeme zawoddyr-fabrikler, kärhanalar açylýar. Bularyň hem ilat üçin täze iş ýerlerini döredýändigi aýdylýar. Emma şol bir wagtyň özünde hem ýurtda ýaşlaryň işe, ýokary okuw jaýyna ýerleşmekde korrupsiýa, para-peşgeş meseleleri bilen ýüzbe-ýüz bolýandygy habar berilýär.
Mary welaýatynyň Serhetabat etrabynyň Ýeňiş daýhan birleşiginden özüni Agajuma diýip tanyşdyran oba ýaşaýjysy bu barada Azatlyk Radiosynyň Türkmenistandaky habarçysy Soltan Açylowa gürrüň berdi.
