Oppozisiýanyň tarapdarlary ýöriş geçirdiler
Orsýetiň oppozision aktiwistleri ýaňy-ýakynda geçirilen regional saýlawlar bilen baglylykda 20-nji sentýabrda Moskwada ýöriş geçirdiler. Häkimiýet başyndaky partiýanyň köpçülikleýin ýeňiş gazanmagy bilen tamamlanan saýlawlarda köp sanly bidüzgünçiligiň bolandygy aýdyldy. "Häkimiýet çalyşygy ugrunda" atly protest aksiýasyna 2 000 - 4 000 adam aralygynda gatnaşandygy habar berildi. Protestçileriň ençemesi fewral aýynda Kremliň golaýynda atylyp öldürilen oppozisiýa lideri Boris Nemsowyň ady ýazylan plakatlary göterip çykdylar. (AÝ/AR-nyň Rus gullugy)