Aşgabadyň demirgazyk böleginde ýerleşýän Çoganly daçalyklaryndaky jaýlaryň aglabasynyň ýykylandygy, häzirki wagtda bu sebitde jaýlaryň galyndylaryndan galan harabalyklaryň, zir-zibilleriň üýşüp duran depeleri emele getirendigi habar berilýär.
13 müň çemesi uçastokly bu sebitde jaýlary ýykylan ilata resmiler tarapyndan hiç hili kompensasiýanyň berilmändigi aýdylýar.
Eýse, bu sebitde ýaşan ýaşaýjylar jaýlary ýykylandan soň näme etdiler? Olaryň häzirki ykbaly nähili?
Azatlyk Radiosy bu soraglar bilen gyzyklanyp, aşgabatly ýazyjy Amanmyrat Bugaýew bilen söhbetdeş boldy.
