Kürtler Irbilde protest geçirýär
8-nji oktýabrda kürtleriň köplük bolup ýaşaýan Yragyň Irbil şäherinde protest geçirilip, siriýaly kürtleriň iň uly şäheri Kobanini «Yslam döwletiniň» söweşijilerinden halas etmäge çagyryş edildi we halkara jemgyýetçiliginden kömek soraldy. Demonstrantlar Kürdüstanyň işçi partiýasynyň (PKK) lideri Türkiýede tussaglykda saklanýan Abdylla Ojalanyň portretini göterip çykdylar we Türkiýäniň prezidenti Rejep Taýyp Erdogany «faşist» diýip atlandyrlar. Kobani Türkiýe bilen serhetde ýerleşýär. Türkiýe bu ýagdaýa goşulyşmazlygy üçin ýazgarylýar.
