Ukrainanyň howa goragçylary 6-njy noýabrda Russiýanyň uçuran 63 pilotsyz uçarynyň 38-sini urup gaçyrdylar, dronlar Odesa, Mikolaýiw, Kiýew, Sumy, Kirowohrad, Žitomyr, Çerkasy, Çernihiw we Zaporižýa asmanlarynda uruldy diýip, Kiýewiň howa güýçleri telegramda habar berdi.
Ukrainanyň elektron söweş bölümleriniň gysyşlary netijesinde ugruny ýitiren 22 dron nyşanasyna ýetmedi. Günorta-gündogar Zaporižýa sebitiniň häkimi Russiýanyň eden raketa hüjüminden ölenleriň sanynyň ýedi, ýaraly bolanlaryň 25 adama ýetendigini aýtdy.
Urşuň üçünji gyşynyň golaýlamagy bilen, Russiýa Ukrainanyň şäherlerine we energiýa infrastrukturasyna edýän hüjümlerini güýçlendirdi.
Russiýanyň Goranmak ministrligi bolsa, ýurduň howa goragçylarynyň Kursk we Orýol sebitlerinde üç sany ukrain pilotsyz uçaryny urandygyny aýtdy.