Ysraýylyň Liwana uran zarbalarynda 490-dan aşa adam, şol sanda 90 aýal we çaga heläk boldy diýip, Liwanyň häkimiýetleri mälim etdi. Soňky zarbalar 2006-njy ýyldaky Ysraýyl-Hezbollah söweşinden bäri amal edilen iň iri urgy boldy.
Ysraýylyň harbylary, Hezbollaha garşy howa zarbalarynyň öň ýanynda, Liwanyň günorta we gündogar sebitlerindäki ýaşaýjylary ewakuasiýa etmäge çagyrdy. Birleşen Ştatlar Hezbollahy terrorçy topar hökmünde ykrar edýär.
Müňlerçe liwanly ýurduň günorta sebitlerine aşdy, şeýle-de günortadaky port şäheri Sidonyň esasy magistral ýoly Beýruta tarap barýan ulaglardan hyryn-dykyn boldy.