Ysraýyl-Hezbulla urşunyň başlananyna bir aý bolmagy bilen, Ysraýyl 23-nji oktýabr güni giçlik Hezbullanyň günorta Beýrutdaky berkitmesine giň gerimli howa zarbasyny urdy diýip, Liwanyň döwlet metbugaty habar berdi.
Ysraýylyň azyndan 17 reýdinde alty bina ýumruldy, bu zarbalar 23-nji sentýabrda başlanan urşuň başyndan bäri paýtagtyň günorta etegine edilen iň gazaply hüjüm boldy.
Siriýanyň döwlet habar serişdeleri Ysraýylyň Damaskdaky bir ýaşaýyş binasyna howa zarbasyny urandygyny, Homsdaky harby künjekde bir esgeri öldürip, ýedi adamy ýaralandygyny habar berdi.
Bu reýdler Birleşen Ştatlaryň döwlet sekretary Antoni Blinkeniň Ysraýyla sapar edip, ABŞ ýaranyna Eýran bilen aradaky dartgynlylygy mundan aňryk güýçlenmezligi tabşyran wagtynyň yz ýanyndan geçirildi.
Ysraýyl Gazada ABŞ we ÝB tarapyndan terror guramasy diýlip kesgitlenen, Eýran tarapyndan goldanýan Hamasa garşy söweşse, Liwanda ABŞ tarapyndan terrorçy topar diýlip kesgitlenen Hezbulla garşy söweşýär.