Russiýanyň prezidenti Wladimir Putiniň “Wagner” hakyna tutma güýçleriniň şowsuz gutaran gozgalaňyndan soň ýurtdaky gözegçiligini gaýtadan dikeltmäge synanyşmagy bilen, Kreml Russiýanyň Ukrainadaky harby operasiýalarynyň serkerdebaşysynyň orunbasarynyň görünmeýändigi baradaky soraglara anyk jogap bermekden saklanýar.
General Sergeý Surowikin barada edilýän gürrüňler hepde aýagynda Moskwanyň Ukrainada alyp barýan 16 aýlyk urşuna saldamly goşant goşan “Wagner” söweşijileriniň togtadylan pitnesinden soň köpçüligiň gözüne görünmezligi sebäpli köpeldi.
Surowikiniň nirededigi Goranmak ministrligine degişli mesele diýip, Kremliň metbugat sekretary Dmitriý Peskow 29-njy iýunda, generalyň tussag edilendigi baradaky habarlardan soň Russiýanyň "Interfaks" habar gullugynyň soragyna beren jogabynda aýtdy.