Türkmenistan AI-95 benzininiň iň arzan bahadan satylýan ýurtlarynyň onlugyna girdi diýip, “Türkmenportal” “Global Petrol Prices” portalyna salgylanyp habar berdi.
Şeýle-de, Türkmenistan bu benziniň arzanlygy boýunça Merkezi Aziýa lideri bolup durýar.
Neşiriň maglumatyna görä, Türkmenistan AI-95 benzininiň arzanlygy boýunça (1 litriniň bahasy 0,0429 ABŞ dollary) dünýäniň dördünji döwleti boldy.
Ilkinji üçlükde Eýranyň (1 litri 0,029 ABŞ dollary), Liwiýanyň (1 litri 0,032 amerikan dollary) hem-de Wenesuelanyň (1 litri 0,035 ABŞ dollary) ady bar.
Benziniň iň gymmat ýurdy Gonkong bolup, ol ýerde 1 litr AI-95 benziniň bahasy 3,269 ABŞ dollaryna deň.
Türkmen metbugaty ýurtdaky garyplyk derejesi, benzin gytçylyklary barada habar bermeýär.
Degişli maglumat Benzin gytçylygy dowam edýär